José Mourinho është i mërzitur për barazimin e arritur përballë Genoas si dhe për golin e Zaniolos të anuluar në fund të takimit.
“Nuk dua të komentoj. Mund të komentoj ndeshjen, por jo golin dhe kartonin e kuq të Zaniolos. Nëse këto janë indikacionet që kanë marrë gjyqtarët dhe ai është faull, atëherë duhet të ndryshojmë emrin e këtij sporti, nuk mund të quhet më futboll”.
“Nëse arbitri ka gabuar dhe duhet ta jepte gol, atëherë ai është i pari që duhet të jetë i pakënaqur dhe për ne të Romës kjo është një situatë e përjetuar më parë. Gjatë këtij sezoni na kanë ndodhur shumë raste të tilla”.
“Nesër është një ditë e re. Roma është shumë e vogël në sytë e pushtetit”, ka thënë trajneri portugez.
