Hekuran Kryeziu bëhet me skuadër të re, nënshkruan me klubin zviceran

Hekuran Kryeziu e ka kompletuar kalimin te Winterthur.

Përmes një komunikate, klubi bëri të ditur se reprezentuesi i Kosovës ka nënshkruar kontratë deri në vitin 2024.

“Përforcimi i mesfushës defanzive: FCW nënshkruan me Hekuran Kryeziun. Lojtari 29-vjeçar ishte i lidhur për herë të fundit me FC Zurich dhe ka nënshkruar kontratë deri në vitin 2024 pas një viti të përkohshëm në Winterthur”, thuhet në komunikatën e tyre.

“Si mesfushor i fortë teknikisht, Hekuran Kryeziu sjell shumë përvojë nga Superliga dhe garat ndërkombëtare. Me FC Luzern (2011-2018), Vaduz (2014/15) dhe FC Zurich (2018-21), ai luajti 224 ndeshje në Superligë, 19 në Kupën e Zvicrës dhe dhjetë në Ligën e Evropës. Ai luan edhe për Kombëtaren A të Kosovës, 27 herë – dhjetë herë në kuadër të kualifikimeve për Botëror”.

“Hekuran Kryeziu (12.2.1993) ka dalë nga akademia e FC Luzern. Ai luajti 31 ndeshje me grupmoshat e Zvicrës. Gjatë periudhës së tij pa kontratë sezonin e kaluar, ai u mbajt në formë në klube të ndryshme”.

“Ne e mirëpresim ngrohtësisht Hekuranin në Winterthur dhe i urojmë të gjitha të mirat, shumë shëndet, gëzim dhe sukses me FCË”, përfundon njoftimi i tyre.

Debutimi i hidhur i Luis Suarezit, mezi preku topin disa herë

Dalin në shitje biletat për përballjen e Kosovës me Irlandën e Veriut në Belfast