Futbollisti shqiptar Brajan Gruda ka vazhduar me formë të mirë në Bundesligë.
Të shtunën, Gruda shënoi në fitoren 3:1 të Mainzit ndaj Wolfsburgut në ndeshjen që i takoi xhiros së 34 të elitës së futbollit gjerman.
Gruda shënoi golin e parë në ndeshje për Mainzin në minutën e 24-të të ndeshjes.
Mbrojtësi Sepp van den Berg e shënoi golin e dytë në minutën e 71-të, ndërsa Gruda asistoi për golin e tretë të cilin e shënoi sulmuesi Jonathan Burkardt në minutën e 85-të. Gruda luajti 86 minuta në fitoren e Mainzit. 19-vjeçari, Gruda këtë edicion ka shënuar katër gola dhe ka bërë tri asistime.
Fitorja i siguroi mbijetesën Mainzit. E përfundoi kampionatin me 35 pikë në vendin e 13-të. Wolfsburgu renditet ne vendin e 12-të me 37 pikë.
