Gliha e konfirmon se do ta drejtojë Kosovën në ndeshjet e nëntorit dhe tregon se cili do të jetë trajneri i ardhshëm

Primoz Gliha e ka konfirmuar se ai do ta drejtojë Kosovën në dy ndeshjet e muajit nëntor me Greqinë dhe Jordaninë.

Trajneri slloveni për të cilin Telegrafi raporti ekskluzivisht se ai do të jetë përzgjedhës ka dhënë edhe informacione shtesë.

Sipas tij pas ndeshjeve të nëntorit do të vije Felix Magath si përzgjedhës i Kosovës.

Bernard Challandes është larguar nga drejtimi i Kosovës pas rezultateve të dobëta.

“Unë kam qenë atje për rreth një vit. Unë kam një rol të veçantë në stafin profesional. Në futboll, njerëzit e shikojnë atë nga këndvështrime të ndryshme”.

“Deri më tani, ata kanë pasur një staf profesional zviceran, por ai ka shkuar. Ne u pajtuam të drejtojmë dy ndeshjet e ardhshme, dhe më pas ata duan të sjellin Felix Magath dhe të më përfshijnë në stafin e tij profesional”, deklaroi Gliha për 24ur.

Kosova ka vetëm edhe një ndeshje zyrtare për fazën kualifikuese për Kampionatin Botëror.

Një mundësi e re për talentet e futbollit

Interi shënon fitoren e parë në grup, mposhtë lehtësisht Sheriff Tiraspolin