Berat Gjimshiti, kapiteni i kombëtares shqiptare të futbollit, ka thënë se kualifikimi në “Euro 2024” është fitore e të gjithë shqiptarisë, duke i cilësuar tifozët kuqezi si më të mirët në botë.
“Ju falënderoj të gjithëve për fjalët, por besoj të gjithë e kemi merituar. S’e fus kurrë veten para ekipit pasi që s’kam qenë kurrë dhe s’dua të bëhem kurrë ashtu. Falënderimi i shkon gjithë stafit, lojtarëve, trajnerëve… kemi tifozët më të mirë në botë, e pamë sidomos edhe këtu në Moldavi ishin plot shqiptarë që na përkrahën besoj se është fitore e gjithë shqiptarisë”, ka thënë ai pas kualifikimit në “Euro 2024”.
Gjimshiti ka thënë se Shqipëria ka cilësi dhe mundësi për të menduar edhe kalimin e fazës grupore në “Euro 2024”.
