Futbollisti i Ulpianës dënohet me dy ndeshje moslojë nga Komisioni disiplinor

Komisioni disiplinor i shkallës së parë në mbledhjen e mbajtur me datë 01.09.2021 shqyrtoi procedurat e hapura nga Komisioni i Garave.

Pas shqyrtimit komplet të materialit të siguruar nga zyrtarët e ndeshjeve dhe incizimeve televizive, komisioni disiplinor dënoi futbollistin e Ulpianës, Silvester Shkallën, me ndalesë për dy ndeshje, shkruan Gazeta Olle.

Deri te ky vendim erdhi pasi Shkalla shkakti ndërhyrje të ashpër ndaj futbollistit të Malishevës, duke u ndëshkuar me karton të kuq.

Vendimi i plotë nga Komisioni disiplinor: 

Lojtari i KF Ulpiana, Silvester Shkalla: Në minutën e 62, në ndeshjen Ulpiana – Malisheva shkakton ndërhyrje të rrezikshme ndaj lojtarit kundërshtar, për çka është ndëshkuar me karton të kuq direkt. Sipas raportit të gjyqtarit kryesor. Bazuar në nenin 39 paragrafi 3 i Rregullores disiplinore ; DËNOHET me ndalesë për 2 (dy) ndeshje zyrtare sipas radhës të organizuar nga FFK.

Për këtë vendim, skuadra e Ulpianës ka të drejtë në ushtrimin e ankesës drejtuar Komisionit Disiplinor të shkallës së dytë, në afat prej tri ditëve.

/Gazeta Olle/

Komisioni disiplinor dënon Tahir Batatinën, ja sa ndeshje do t’i mungojë Llapit në stol

Berisha: Polonia nuk është vetëm Lewandowski, por mund t’i surprizojmë