Fjalët e Florian Markut pas fitores: Unë mund të bëj gjithçka

Boksieri shqiptar, Florian Marku është rikthyer në ringun e boksit duke u përballur me Rylan Charlton, ku ka shënuar fitore me nokaut teknik në raundin e tetë.

Marku u përballë me 28 vjeçarin në ‘The SSE Arena’,  në kategorinë velter, në një meç që solli luftë të madhe dhe me kthesa.

Marku e kishte nisur mirë në raundet e para, por në raundin e gjashtë pas një goditje të fortë të anglezit ai ra në nokdaun.

Por Marku u kthye në dy raundet pasardhëse, duke luftuar fortë, për të fituar në raundin e tetë me nokaut teknik.

Boksieri nga Lushnja ishte i lumtur me fitore e tetë në karrierë, duke e vlerësuar lart edhe kundërshtarin.

“Rylan është vërtetë i fortë. Ai hyri në këtë luftë. Jo shumë boksierë përballen me një të pamposhtur kaq herët në karrierën e tyre”.

“Unë mund të boksoj, të luftoj, të bëj gjithçka”.

“Rrëzimi në raundin e gjashtë? Unë kurrë nuk isha i trullosur, edhe pse ai është një goditës i rëndë”, deklaroi Marku.

Marku vazhdon me rekord pa humbje, me tetë fitore dhe një barazim në boksin profesionist.