Fillon Play Offs në hendbollin kosovar

Pas një pushimi më të gjatë për shkak të turneut të Kupës dhe javës ndërkombëtare, të mërkurën fillon faza finale (plejofi) në Superligën e Kosovës në hendboll në konkurrencë të meshkujve.

Në luftë për titull të kampionit janë katër skuadra.
Të mërkurën prej orës 20:00 në palestrën “Mizahir Isma” në Rahovec takohen Rahoveci e Trepça.

Rahoveci ishte i pari në stinorin e rregullt, ndërsa Trepça e katërta. “Vreshtarët” kanë dominuar ndaj mitrovicasve këtë edicion dhe llogariten favorit.

Skuadra që i shënon dy fitore kualifikohet në finale të plejofit.

Në gjysmëfinalen tjetër takohen Besa Famgasi e Kastrioti. Kastrioti kishte mposhtur Besën në finale të Kupës, kështu që pritet gjysmëfinale e zjarrtë.

Ndeshja e parë është të enjten prej orës 19:00 në palestrën “Karagaçi” në Pejë.

Besa është kampione në fuqi, ndërsa në pjesën e rregullt të kampionatit ishte e dyta. Kastrioti ishte i treti.

Real Madrid prezanton 36-të trofetë e titullit kampion në Spanjë

Fabregas, arkitekti i mrekullisë së Comos: Përballja me trajnerë shumë të fortë, sfidë për mua