Presidenti Agim Ademi dhe kryeshefi ekzekutiv i kësaj kompanie, Saimir Dhamo, sot, e kanë nënshkruar kontratën e re të partneritetit për sponsorizim, pasi të dyja palët janë të kënaqura me bashkëpunimin e deritashëm.
Në kontratën e re janë krijuar kushte më të mira për FFK-në, si në aspektin e sigurimeve, ashtu edhe në atë të sponsorizimit nga kompania në fjalë.
Kryeshefi i kompanisë Sigal Uniqa Group Austria u shpreh i lumtur për arritjet e futbollit kosovar në vitet e fundit dhe e përgëzoi presidentin Ademi për punën e bërë në ngritjen dhe avancimin e futbollit në vendin tonë, me bindje se partneriteti ndërmjet këtyre dy institucioneve do të ndikojë edhe në këtë drejtim.
