Feronikeli është rikthyer te fitoret në Grupin A të Ligës së Parë të Kosovës.
‘Industrialistët’ kanë mposhtur Istogun para adhuruesve të vet me rezultat 3-1.
Pjesa e dytë nisi fuqishëm për vendasit që realizuan dy gola të shpejtë brenda tre minutave.
Muhamed Hyseni fillimisht realizoi për 1-0 në të 46-tën dhe pas tre minutave Selimi shënoi për ta dyfishuar epërsinë.
Krejt në fund të ndeshjes u shënuan edhe dy gola të tjerë ku Ulluri ngriti epërsinë për 3-0 derisa Jahaj shënoi golin e nderit për mysafirët për rezultatin përfundimtar 3-1.
Me këtë fitore Feronikeli ndodhet në pozitën e parë me 37 pikë, shtatë më shumë se Liria që ka një ndeshje më pak të zhvilluar. /Gazeta Olle/
