Largimet nga tre herë kampionët e Kosovës nuk kanë të ndalur në afatin kalimtar të janarit, lojtari tjetër që ka konfirmuar largimin nga gjelbërtezinjët është Qemail Elshani.
“Ju njoftoj se nga sot nuk do të jem pjesë e FC Feronikeli. Falenderoj të gjithë ata që bashkëpunuam këto gjashtë muajt e fundit mes shumë sfidave e tentimeve pafund.
Klubit i dëshiroj shumë suksese në të ardhmen. FALEMINDERIT” – Qemail Elshani
Elshani nuk pritet të jetë largimi i fundit nga Rexhep Rexhepi, disa lojtarë të tjerë ditëve në vijim do të ndajnë rrugët zyrtarisht me Feronikelin, pas krizës financiare.
