Edhe një tjetër futbollist i Kategorisë Superiore po vjen në Superligën e Kosovës

Ksement Mehmeti dëshiron largimin nga Apolonia, me destinacion Kosovën.

Futbollisti nuk ka luajtur shumë këtë sezon pavarësisht që në atë të kaluarin ishte një nga pikat kyçe të fierakëve që siguruan kalimin në Kategorinë Superiore, përcjellë Gazeta Olle.

Burime të “Vipsport” mësojnë se Mehmeti veç se është takuar me drejtuesit e skuadrës, të cilëve u ka kërkuar që ta lirojnë dhe t’i japin dokumentet me qëllim kalimin në futbollin kosovar.

Mehmeti është 22 vjeçar dhe vlera e tij në treg shkon në 150 mijë euro.