Dy futbollistët e Borussia Dortmund, Karim Adeyemi dhe Emre Can janë duke qëndruar në Kosovë.
Vetëm dy ditë pas humbjes në finalen e Ligës së Kampionëve, dyshja ka vendosur të vijë në vendin tonë.
Ka qenë kryetari i Komunës së Drenasit, Ramiz Lladrovci i cili është një adhurues i madh i futbollit që ka takuar këtë dyshe.
Lladrovci ka postuar në profilin e tij në Facebook një foto me dy yjet gjermanë.
Postimi i plotë nga Ramiz Lladrovci (pa ndërhyrje):
Me dy yjet e futbollit të Borusia – Dortmund dhe Gjermanisë, me kapitenin Emre Can dhe dhëndrin e Kosovës, Karim Adeyemi.
Rastësisht u takuam në aeroportin e Prishtinës, me dy yje të futbollit dhe miq të Kosovës.
Kosova është e madhe për miq! /Gazeta Olle/
