Ndeshja miqësore mes Rami Sadikut dhe Besës, nuk kishte përfunduar si duhet, pasi dy futbollistë kishin vendosur të qëronin hesapet në fushë.
FFK ka shqyrtuar rastin dhe ka futur në procedurë dy lojtarët për sjelljen e tyre.
Ndeshja u mbyll 2-1 për Besën e Pejës.
Komisioni i Garave i Superligës dhe Ligës së Parë në përbërje Abdyl Bellopoja kryetar, Isak Ejupi dhe Agim Kastrati, anëtarë në mbledhjen e mbajtur me datë 01.02.2022, ka diskutuar për ndeshjen miqësore ndërmjet KF “Ramiz Sadiku“ – FC “Besa“, e zhvilluar me 16.01.2022 në Prishtinë. Pas shqyrtimit komplet të materialit të siguruar nga zyrtarët e ndeshjeve, bazuar në nenin 70 të Rregullores së Garave, si dhe dispozitave të Rregullores Disiplinore, mori këto:
V E N D I M E
1.Regjistrohet ndeshja miqësore KF “ Ramiz Sadiku “- FC “ Besa “ me rezultatin 1:2 të arritur në fushë.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare, lidhur me rregullsinë e fillimit, zhvillimit dhe përfundimit të ndeshjes, Komisioni i garave pas administrimit të të gjitha materialeve dhe shkresave të prezantuara, raporteve të personave zyrtarë të FFK-së si dhe mediave vendosi për:
Inicime disiplinore
ndaj: lojtarit të FC “Besa” me nr fanelle 10, Uliks Spahija dhe nr ID 007193M04. Motivi: Në minutën e 87-të grushtim me lojtarin kundërshtar, për çka është ndëshkuar me karton të kuq direkt. Sipas raportit të gjyqtarit kryesor të ndeshjes.
ndaj: lojtarit të KF “Ramiz Sadiku“ me nr fanelle 15 Venhar Hyseni, dhe nr ID 010414M02. Motivi: Në minutën e 87-të grushtim me lojtarin kundërshtar, për çka është ndëshkuar me karton të kuq direkt. Sipas raportit të gjyqtarit kryesor të ndeshjes.
Këshilla juridike:
Pala e pakënaqur ka të drejtën e kundërshtimit në inicime-raporte / ankesës në vendimet të Komisioni Disiplinor i FFK –së / Komisioni i Apelit i FFK-së, në bazë të nenit 85, pika 3 e Rregullores së Garave, në afatin prej 3 ditësh nga publikimi i këtij Inicimi/vendimi në faqen zyrtare të FFK-së, apo datës së dërgimit në emailin e klubit.
