Dukagjini zyrtarizon transferimet e Salihut dhe Nezirit

Dukagjini i Klinës ka zyrtarizuar dy transferimet e reja në afatin kalimtar dimëror, edhe pse ky është mbyllur më 31 janar.

Klinasit kanë angazhuar dyshen Gentrit Salihu e Faton Neziri, teksa vetëm sot ka ardhur zyrtarizimi i tyre.

Salihu i bashkohet klinasve pas një periudhe në Portugali te grupmoshat e Portos.

Ndërkohë emri tjetër që i është bashkuar skuadrës së udhëhequr nga Armend Dallku është Faton Neziri i ardhur nga Drenica.

 

Njoftimi i plotë nga KF Dukagjini:

Futbollisti i talentuar Salihu, vjen nga grupmoshat e Portos U19, me të cilët është aktivizuar përgjatë një vit. Ne Portugali ishte transferuar nga skuadra e Besës nga Peja, me te cilën është paraqitur ne tridhjetë ndeshje në Superligën e Kosovës, si një 17-vjeçar. Gentriti luan ne pozitën e mesfushorit qendror.
Futbollisti 20-vjeçar Neziri vjen nga klubi i Drenicës, ku është paraqitur sezonin vjeshtor. Fatoni që me tipare është një mesfushorë i krahut te majtë, ne disa ndeshje të sezonit vjeshtor e ka mbuluar për mrekulli edhe pozitën e mbrojtësit te krahut te majtë. Neziri për një edicion ishte aktivizuar edhe te skuadra e Istogut ne ligën e parë ku tregoj paraqitje mjaftë solide. /Gazeta Olle/

76ers triumfojnë ndaj Orlando Magic, rezultatet komplete në NBA

Gjilani konfirmon largimin e katër futbollistëve