Shqipëria humbi një nga personalitet më të shquar që ka njohur historia e letërsisë, shkrimtarin e madh Ismail Kadare, i cili u nda nga jeta në moshën 88-vjeçare.
Në lidhje me këtë humbje ka reaguar edhe Presidenti i Federatës Shqiptare të Futbollit, Armand Duka, i cili në një postim në rrjetet sociale shprehet se kjo ishte një humbje e madhe për Shqipërinë.
“Ismail Kadare, një humbje e madhe për Shqipërinë!
E trishtë të mësosh që Ismail Kadare nuk jeton më. Vendi ynë ka humbur një shkrimtar të madh, një kolos të letrave, i cili e bëri Shqipërinë të njohur anembanë botës.
Kadare ikën, por i lë vendit tonë dhe gjithë botës një trashëgimi të madhe kulturore, kryevepra letrare të përkthyera në 45 gjuhë të ndryshme.
Ngushëllimet më të sinqerta për familjarët, të afërmit dhe miqtë e Kadaresë, të cilët do ta ndjejnë shumë mungesën e tij.
U prehsh në paqe Ismail Kadare!”-shkruan Duka.
