Drejtoresha e DKRS-së, znj. Kleqka me bashkëpunëtorë, drejtori i klubit Burim Dula, kryesia e klubit, stafi teknik me në krye trajnerin Senad Alirifa e kapitenin Muhamed Shehu, vizituan sot Shtavicën, shkruan Gazeta Olle.
Klubi e pret futbollistin zemërhapur që të rikthehet në ‘mejdan’, dhe përmes një postimi tregojnë se u pritën në mënyrë fenomenale gjatë vizitës së tyre.
Postimi i plotë i Rahovecit:
KF Rahoveci është më shumë se klub. Jo më kot, shpeshherë ia mveshin edhe epitetin familje. Dëshmia më e mirë ishte edhe vizita tek ylli i skuadrës, Egzon Shtavica, që fatkeqësisht u lëndua, por fatmirësisht po rehabilitohet në mënyrën më të mirë të mundshme, ku edhe e presim zemërhapur që të rikthehet në ‘mejdan’.
Drejtoresha e DKRS-së, znj. Kleqka me bashkëpunëtore, drejtori i klubit Burim Dula, kryesia e klubit, stafi teknik me në krye trajnerin Senad Alirifa e kapitenin Muhamed Shehu, u mirëpritën në mënyrë tradicionale, respektivisht fenomenale, sa për të treguar se, ky rrugëtim momental i Xakit, i përket një korsie të përbashkët.
Pas 10-të xhirove në Grupin A të Ligës së Parë, vreshtarët gjenden në vendin e gjashtë në tabelë me 11 pikë.
/Gazeta Olle/
