Liga e Parë e Futbollit në Kosovë do të vazhdojë këtë të premte me një nga ndeshjet më të rëndësishme të sezonit, derbin e qytetit të Mitrovicës mes Trepçës ’89 dhe Trepçës.
Kjo përballje pritet të zhvillohet në stadiumin “Riza Lushta”, me fillim nga ora 15:00, shkruan Gazeta OLLE.
Të dyja skuadrat kanë ambicie të ngjashme për këtë edicion, duke synuar rikthimin në Superligën e Kosovës.
Atmosfera pritet të jetë e zjarrtë, pasi ky derbi lokal gjithmonë tërheq interes të madh nga tifozët dhe banorët e Mitrovicës.
