Xhiro e 34-të në elitën e futbollit kosovar pritet të jetë e zjarrtë.
Padyshim që vëmendja më e madhe është në duelin Gjilani – Drita, apo siç njihet ndryshe si derbi i Anamoravës.
FFK tanimë ka deleguar gjyqtarët për këtë xhiro dhe Gramos Shala do ta ndajë drejtësinë në derbi me ndihmësit Fatlum Jashari e Hekuran Osmani.
Sfidë shumë interesante është edhe Ferizaj – Trepça ’89, ku drejtësinë do ta ndajë Visar Kastrati.
Në duelin Malisheva – Prishtina drejtësinë e ndan Genc Nuza, derisa Burim Jahmurataj në sfidën Ballkani – Llapi.
Dardan Çaka është deleguar për të ndarë drejtësinë në ndeshjen që do të zhvillohet në Skenderaj mes Drenicës tanimë të rënë dhe Dukagjinit. /Gazeta Olle/
