Sipas mediave në Rumani, Ermal Krasniqi ka arritur marrëveshje personale me CFR Cluj.
Sulmuesi 24 vjeçar është kërkesa kryesore e trajnerit Dan Petrescu, i cili ka kërkuar nga drejtuesit e klubit që të dakordohen sa më shpejtë edhe me Ballkanin për shërbimet e tij, në mënyrë që ta ketë me vete në Spanjë, aty ku rumunët do zhvillojnë kampin përgatitor të janarit.
Objektiv i skautëve të Cluj ka qenë edhe Amhal Pellegrino i Bodo/Glimt, por Petrescu e ka preferuar më shumë afrimin e Krasniqit, shkruan gazetari i Art Motion, Arbon Flugaj.
Cluj tani është në tratativa me Ballkanin dhe po provon ta shfrytëzoj faktin që Krasniqi ka vetëm edhe 6 muaj kontratë për t’i ulur çmimin sa më shumë.
