Çka do të ndodh me Xhakën?

Drejtori sportiv i Borussia Monchengladbachit, Max Eberl ka thënë se Granit Xhaka nuk do të largohet nga skuadra gjermane për tu transferuar te Atletico Madridit.

Granit Xhaka nuk e ka ndërmend të largohet nga Monchengladbach për tu transferuar te Atletico Madridi, gjithnjë sipas fjalëve të thëna nga Eberl. “Para pak javësh Xhaka e ka vazhduar kontratën me klubin tonë. Xhaka nuk e di nëse Atletico Madrid është vërtet i interesuar”.

“Sidoqoftë, ajo që mund të them është se ne kemi kontratë me futbollistin, i cili 100 për qind mbetet në klubin tonë”, ka deklaruar për Sky drejtori sportiv i klubit gjerman, Max Eberl, i cili theksoi se aktualisht Xhaka është i përkushtuar vetëm në Bundesligë.