Besa triumfon në Ferizaj, Vëllaznimi fiton derbin me Llapin

Besa Famgas ka vazhduar me fitore në Superligën e Kosovës në hendboll. Të dielën mbrëma në Ferizaj, Besa e Pejës e mposhti Kastriotin me rezultatin 38:28. Ndeshja i takoi javës së 15-të, të parës për stinorin pranveror.

Për Besa Famgas është fitorja e 15-të. Besa udhëheq në tabelë me 30 pikë. Kastrioti është në mesin e tabelës me 14 pikë.

Dallimi është bërë që në pjesën e parë, të cilën Besa e fitoi me 20:12. Denis Shabanoviq i shënoi 14 gola për Besën. 11 gola i shtoi Denis Terziqi.

Samid Mekiq e Guilherme Da Silva shënuan nga 5 gola për Kastriotin.

Ndeshje e rëndësishme u zhvillua edhe në Gjakovë, ku u takuan Vëllaznimi e Llapi. Fitore shënoi skuadra gjakovare me rezultat 34:31.

18:13 ishte rezultati pas pjesës së parë për Vëllaznimin. Vëllaznimi tani i ka 12 pikë në vendin e gjashtë. Llapi mbetet i shtati me 10 pikë.

Egzon Lluka udhëhoqi Vëllaznimin me 7 gola. Besian Abazi shënoi 12 herë për Llapin.

Në Superligën e hendbollisteve të dielën u luajt ndeshja mes Istogut e Dritës. Istogaset fituan me 52:9.

Lushtaku: Do të ishim me fat nëse do të ndalej rryma dy-tre minuta më herët, Gashi do të shpëtonte nga ndëshkimi me karton të kuq

Prishtina pritet ta shkarkojë trajnerin Abdulah Ibrakovic?