Mërgim Berisha ka bërë ëndrrën e tij realitet, duke luajtur për Gjermaninë.
Sulmuesi me prejardhje nga Kosova ishte ftuar disa herë nga vendi ynë, por ai ishte i qartë, donte ta priste Gjermaninë.
Ai luajti në ndeshjen miqësore ndaj Perusë, ku Gjermania fitoi me rezultat të pastër 2-0.
Berisha u inkuadrua në këtë ndeshje në minutën e 75-të, duke qëndruar për 15 minuta në fushë.
24-vjeçari pas ndeshjes është shprehur shumë i lumtur me debutimin, duke e cilësuar si të veçantë ndjenjën për të luajtur me Gjermaninë.
“Jam shumë i lumtur për besimin që më ka dhënë trajnerin. Është e veçantë të luash për Gjermaninë”.
“E kam shijuar, ka qenë e veçantë pasi gjithmonë ka qenë ëndërr për mua të luaj për Gjermaninë. Jam falënderues për ato minuta që pata”, tha Berisha pas ndeshjes. /Gazeta Olle/
