Tom Pope ka mbajtur premtimin e tij për të shënuar kundër John Stones pasi sulmuesi veteran ka gjetur rrjetën në takimin e Kupës FA ndaj Manchester City.
34-vjeçari e kishte cilësuar anglezin John Stones si lojtar të dobët pas një ndeshje për Anglinë, me anë të një ‘cicërime’ në Twitter verën e kaluar.
Pope kishte shkuar edhe më larg duke thënë se do të shënonte 40 gola në sezon nëse do të luante çdo javë ndaj mbrojtësit të Cityt.
Postimi i tij në atë kohë u bë viral, por edhe tani ka gjetur përkrahje të madhe në rrjetet sociale.
Sulmuesi veteran ka mbajtur premtimin e tij pasi ka shënuar gol pikërisht në ndeshjen ndaj Manchester Cityt në duel me Stones.
Sulmuesi i Port Vale u gjend mirë në zonë duke shënuar me kokë për 1-1, por ky gol nuk i mjaftoi ekipit të tij pasi u mposhten 4-1 në kuadër të Kupës FA.
Pas golit të shënuar ndaj Cityt, emri i Pope u bë përsëri viral në rrjetet sociale, pasi shumë postime janë duke iu kushtuar atij.
He's talked the talk, now he's walking the walk ????#EmiratesFACup @OfficialPVFC pic.twitter.com/imOUFGDaid
— The Emirates FA Cup (@EmiratesFACup) January 4, 2020
