Ballkani ka pësuar humbjen e parë këtë edicion në BKT Superligën e Kosovës.
Suharekasit ishin në avantazh 0-1, por vendasit bën një ndeshje të madhe dhe fituan në fund 2-1.
Trajneri i Ballkanit, Bekim Isufi ka lavdëruar në emisionin Ekipa A të ATV-së skuadrën vendase.
Sipas Isufit kushtet në Lipjan ishin evropiane.
“”Pritja në Lipjan ka qenë shembullore, një ambient si në Evropë me ksuhte jashtëzakonisht të mira”, tha Isufi.
Tutje trajneri i Ballkanit ka lavdëruar edhe gjykimin në këtë sfidë, ku kyresori ishte gjyqtari i ri nga Gjilani mjaftë perspektivë, Valbon Hoxha.
“Po ashtu më duhet të them se edhe referimi ka qenë i jashtëzakonshëm dhe nuk kam vërejtje”, deklaroi Isufi.
Vlen të përmendet se Valbon Hoxha ka filluar gjykimin në Superligën e Kosovës edicionin e kaluar dhe deri më tani ka shkëlqyer në ato ndeshje që i ka gjykuar.
Hoxha po vlerësohet nga opinioni sportiv si ndër gjyqtarët e rinj më të mirë në vend. /Gazeta Olle/
