Bayern Munich fiton Superkupën e Gjermanisë

Bayern Munichu ka triumfuar ndaj RB Leipzig me rezultat 5-3 në finalen e madhe të Superkupës së Gjermanisë.

Bavarezët e kanë nisur sezonin në mënyrën më të mirë, duke fituar tashmë trofeun e parë sezonal, pasi fitores në finalen e Superkupës së Gjermanisë ndaj RB Leipzig.

Pjesa e parë e ndeshjes u karakterizua me dominim të ekipit të Jules Naggelsmann që përveç rasteve të shumta, shënuan edhe tri gola.

Goli i parë për Bavarezët u shënua nga Jamal Musiala në minutën e 14-të për 1-0, Sadio Mane dyfishoi shifrat në minutën e 31-të, ndërsa Benjamin Pavard me golin e tij në minutën e 45-të dërgoi Bayernin në pushim me epërsi 3-0.

Në pjesën e dytë, u zhvillua lojë më e barabartë, por Leipzigu ishte skuadër më konkrete, duke arritur t’i shënojë tri gola, kundrejt dy të Bayernit.

Goli i parë në këtë pjesë erdhi në minutën e 60-të me anë të Marcel Halstenberg, i cili shënoi për 3-1, por Serge Gnabry (66’) çoi epërsinë në 4-1.

Pas këtij goli, Bayerni uli nivelin e lojës, ndërsa Leipzigu nuk u humbi motivin, duke luajtur deri në fund dhe duke shënuar dy gola tjera, por Bayerni shënoi një tjetër dhe nuk i lejoi ta bëjnë befasinë.

Christopher Nkunku (77’) shënoi nga penalltia për 4-2, Dani Olmo (89’) ngushtoi rezultatin në 4-3, ndërsa Leroy Sane (90+) vulosi rezultatin përfundimtar 5-3.

Pas kësaj fitore, Bayern Munichu fiton Superkupën e Gjermanisë për herë të 10-të në histori.

Interesim i jashtëzakonshëm për ndeshjen Real Madrid – Juventus, shiten të gjithë biletat në Pasadena

Reali fiton pa problem ndaj Juventusit, shënojnë Benzema e Asensio