Barcelona merr tri pikë të arta në udhëtim te Alaves

Barcelona ka fituar 1-0 ndaj Alavesit në kuadër të javës së 22-të në La Liga.

Pjesa e parë la shumë për të dëshiruar nga të dyja skuadrat, pasi nuk arritën të krijoni një rast të vetëm serioz për gol.

Në 45 minutat e dytë, dy skuadrat u angazhuan më shumë dhe tentuan që të tundin rrjetën e njëra-tjetrës.

Rastin e parë serioz për gol e krijoi Barcelona, ku në minutën e 63-të, Gerard Pique nuk ia doli të mposhte portierin Fernando Pacheco që bëri një pritje fantastike.

Më pas, Alaves rrezikoi me anë të Tomas Pina (74’), me gjuajtjen e tij që u bllokua prej mbrojtës katalunase.

Vendasit nuk ndaluan më kaq dhe pas vetëm katër minutash, Joselu lëshoi një mundësi të artë shënimi, pasi goditja e tij me kokë nuk ishte e saktë.

Por, Blaugranasit nu u dorëzuan deri në minutat e fundit dhe ia dolën të shënonin golin e fitores përmes Frenkie De Jong që shënoi në minutën e 87-të, me Ferran Torres që ishte asistuesi.

Pas javës së 22-të, Barcelona gjendet në vendin e pestë me 35 pikë, ndërsa në xhiron e 23-të do të ketë punë me Atletico Madridin.

Messi kthehet në fushë, Ramos shënon golin e parë – PSG fiton me rezultat të thellë ndaj Reims

ish-kapiteni i Manchester Cityt mahnitet nga Broja