Mario Balotelli gjen golin e parë në kampionatin turk, pasi i hapi udhë fitores së parë sezonale të Adanasporit, që triumfoi me shifrat 3-1 ndaj Rizespor.
Sulmuesi italian, që iu bashkua klubit turk gjatë ditëve të fundit të merkatos së verës, kishte zhgënjyer me paraqitjet e tij deri tani, ashtu si e gjithë skuadra, ndërsa pak ditë më parë drejtuesit ia besuan pankinën trajnerit italian Vincenzo Montella.
Në sfidën ndaj Rizespor, Balotelli hapi serinë e Golave në minutën e 31-të, duke ekzekutuar saktë një 11-metërsh, ndërsa më pas ishte Vargas që dyfishoi avantazhin.
Miqtë rihapën takimin, por vetëm për pak minuta, pasi islandezi Bjarnason shënoi edhe golin e tretë për Adanën, duke vulosur suksesin e parë sezonal, që e ngjit përkohësisht në kuotën e 5 pikëve.
#Balotelli scored his first goal in #Turkey from penalty tonight.
Congrats @FinallyMario #AdanaDemirspor pic.twitter.com/doNdxUQAQf— İbrahim ZALOĞLU (@izaloglu) September 18, 2021
