Valon Bajgora me të drejtë meriton vlerësim maksimal për performancën e tij si gjyqtar kryesor në ndeshjen derbi ndërmjet Ballkanit dhe Dritës, që përfundoi me rezultat 2-3 në favor të gjilanasve.
Gjyqtari tregoi profesionalizëm të lartë dhe gjykim të drejtë gjatë gjithë takimit, shkruan Gazeta OLLE.
Bajgora menaxhoi me qetësi dhe maturi një ndeshje kaq të rëndësishme dhe të tensionuar, duke lejuar një lojë të ashpër, por brenda rregullave.
Vendimet e tij, përfshirë anulimin e dy golave pas konsultimit me VAR-in, ishin të sakta dhe të bazuara në rregulloren e futbollit.
Për më tepër, ndëshkimi me karton të verdhë për lojtarët që shkelën rregullat ishte i drejtë dhe në harmoni me situatat në fushë.
Performanca e tij tregon se Superliga e Kosovës ka gjyqtarë me potencial për të sjellë drejtësi dhe cilësi në lojëra të nivelit të lartë.
