“As Mbappe, as Vini, as Leao – dribluesi më i mirë në Evropë mbi 23 vjeç është nga Kosova”, Marca shkruan gjatë dhe me lëvdata për Edon Zhegrovën

As Kylian Mbappe Mbappe, as Vinicius Junior, as Rafael Leao… Dribluesi më i mirë në Evropë mbi 23 vjeç është Edon Lulzim Zhegrova i lindur në Herford të Gjermanisë më 31.3.1999. Të paktën kështu thotë ‘Indeksi’ i përgatitur së bashku nga ‘Wyscout’ dhe ‘CIES Football Observatory’ mes lojtarëve që kanë luajtur të paktën 450 minuta në pesë ligat kryesore, shkruan gazeta Marca.

Sulmuesi anësor i Lille ka përfunduar me sukses 27 nga 44 driblime që ka tentuar në Ligue 1. Domethënë, ai ka një përqindje suksesi prej 61.36%. Reprezentuesi kosovar shkëlqeu me dritën e tij në fitoren e fundjavës së kaluar ndaj Monacos (2-0). Golat e Diakite dhe Ivan Cavaleiro lindën nga ‘këpucët e tij’.

Ai luajti aq mirë sa edhe ‘Adi’ Hutter, trajneri i Monacos, iu dorëzua ish-lojtarit të Baselit, i nënshkruar nga Lille në janar të vitit 2022 në këmbim të 7 milionë eurove.

“Zhegrova na dha shumë probleme dhe ndryshoi lojën. Në 15 minuta para pushimit ai ishte fantastik. Ai ka këmbën e majtë të shkëlqyer. Driblon shumë mirë dhe ka gjeste teknike shumë të bukura. Edhe duke ditur se çfarë do të bëjë, është e vështirë ta ndjekësh”, ka thënë Hutter.

 

Zhegrova, i cila ka dy gola dhe katër asistime në 14 ndeshjet që ka luajtur këtë sezon, ka lindur në Gjermani, por ka formësuar driblimin e tij në Kosovë.

“Kam filluar të luaj në Prishtinë kur kam qenë 5-6 vjeç. Njerëzit filluan t’i thonë babait tim: “Shiko djalin tënd, ai ka talent”. Në rrugë je i lirë dhe bën çfarë të duash. Nëse do bëj tentativa me një kundërshtar, askush nuk do t’ju thotë asgjë. Kjo është e rëndësishme për lojtarët e rinj të talentuar. Kur arrin në një ekip, gjen një trajner që të jep udhëzime gjatë gjithë kohës”, pranoi Zhegrova në një intervistë për La Voix du Nord, përcjell Telegrafi.

’23’ i Lille , admirues i Leo Messit, nuk vonoi të binte në sy – ai u zgjodh ‘MVP’ i turneut që Milani organizoi në Kosovë – por, me ardhjen e tij në Ligue 1, e pati të vështirë për të hequr ‘nervozizmin” e neveritshëm.

“Nuk jam dakord me atë etiketë. Unë luaj të njëjtën gjë, qoftë titullar apo zëvendësues. Është e vërtetë që kur futesh nga bankina je i freskët dhe ti kap ekipin tjetër që është më i lodhur”, shtoi prishtinasi.

 

Kosovari është ‘rritur’ në mungesë të Yusuf Yazici dhe Adam Ounas. ‘Hapja’ e trajnerit Paulo Fonseca, i cili e nxori atë pas pjesës së parë në Ligën e Konferencën kundër Olimpia Ljubljana – ka ndikuar.

“Më shqetëson parregullsia e tij. Sezoni nuk filloi mirë, por në katër ndeshjet e fundit ai është rritur. Mendoj se tani është më vendimtar dhe në mbrojtje është përmirësuar shumë”, ka thënë Fonseca për Zhegrovën.

Kjo tezë është mbështetur nga portieri i Lille, Lucas Chevalier.

“Edoni ka qenë gjithmonë një lojtar shumë i talentuar. Ai ka përfshirë pak më shumë qetësi në vendimet e tij, madje çdo ditë e shoh më të qetë. Ai duhet të përfitojë nga kjo valë”, ka thënë Chevalier.

 

Remy Cabella, një nga shokët e tij të skuadrës në sulm, gjithashtu e mbështet atë.

“Ai ka aftësinë për të dribluar shumë lehtë rivalët”, ka thënë Cabella.

Gazeta Marca mbyll shkrimin e tij për Zhegrovën me një fjali: Driblimi i tij është ‘trashëgimi’ i Ligue 1… por tashmë i kalon kufijtë.

Lumbardh Dellova më i miri i xhiros së 12-të në Superligë

Distria fiton luftën e parë në Evropianin e xhudos