Arsenali shkatërron Chelsean në ndeshje miqësore (Video)

Arsenali ka arritur fitore të madhe ndaj rivalit lokal Chelsea në një ndeshje miqësore të zhvilluar në Orlando.

Dy skuadrat londineze po qëndrojnë në Shtetet e Bashkuara të Amerikës për fazën përgatitore, derisa po zhvillojnë edhe disa miqësore.

Takimi i zhvilluar mbrëmë në Orlando i ka takuar Arsenalit me rezultat të thellë 4-0.

Vetëm pas 15 minutave lojë, Topçinjtë kaluan në epërsi kur Granit Xhaka asistoi te Gabriel Jesus i cili u gjend i vetëm përballë portierit Mendy dhe e paraboloi bukur për 1-0.

Në minutën e 36-të, Arsenali dyfishoi epërsinë kur Martin Odegaard shënoi një gol të bukur pas asistimit të Martinellit.

Me dy gola epërsi të vendasve përfunduan 45 minutat e para.

Dominimi i skuadrës së Mikel Artetas nuk u ndal edhe në pjesën e dytë, derisa në minutën e 66-të u shënua goli i tretë.

Granit Xhaka gjuajti bukur, por topi u largua nga Mendy dhe shkoi tek Saka i cili nga afërsia realizoi për 3-0.

Krejt në fund të ndeshjes, Lokonga realizoi me kokë për rezultatin përfundimtar 4-0.

Kjo ishte fitorja më e thellë e Arsenalit që ka arritur ndaj rivalit lokal Chelsea.

Barcelona mposht Real Madridin në ‘El Clasicon’ e zhvilluar në Amerikë, Raphinha shënoi një gol të çmendur

Shaqiri shënon gol të mrekullueshëm dhe asiston në fitoren e Chicagos (Video)