FC Ferizaj sot ka arritur të nënshkruaj marrëveshje me mbrojtësin e qendrës, Ardit Topalaj, ku tashmë bardhekaltërit kanë transferuar lojtarin e dytë në merkaton verore.
Arditi karrierën e ka filluar në Gjermani, tek grupmoshat e Ingolstadt, për të vazhduar në Garching, Eltersdorf dhe së fundmi në Türkgücü München, shkruan Gazeta OLLE.
Topalaj ka luajtur për gjashtë muaj edhe në Superligën e Kosovës, me skuadrën e Lirisë së Prizrenit, ku pas paraqitjeve pozitive, ka bindur drejtuesit e klubit për ta transferuar në Ferizaj.
Ferizajasit janë të bindur se do krijojnë një skuadër stabile, e cila do luftoj për garat evropiane në edicionin 2024/25.
