Sport Club Gjilani sot ka komunikuar mbështetjen e plotë për stafin teknik me në krye Ardian Nuhiun, pas kërkesës së tij të fundit për rishqyrtim pozicioni.
“Pas diskutimeve të hollësishme dhe analizimit të situatës, bordi ka vendosur që të ofrojë mbështetjen dhe besimin e plotë për kryetrajnerin Nuhiu dhe gjithë stafin teknik, duke konsideruar se kanë dhënë kontribut të paçmueshëm në ndërtimin e ekipit” thuhet në njoftimin e Gjilanit.
Kuqebardhët nuk e kanë filluar si duhet edicionin 2024, por sipas gjilanasve faji nuk është te trajneri por të gjithë janë në këtë krizë momentale.
“Besojmë fuqishëm në kryetrajnerin Nuhiu dhe stafin teknik që kanë aftësinë dhe vendosmërinë e duhur për të vazhduar këtë rrugë dhe për të kapërcyer çdo sfidë që mund të hasim” – pëfunduan Gjilani.
Ndeshjen e ardhshme Gjilani udhëton te Feronikeli, ku pritet në klub të rikthehen te rezultatet pozitive.
//Gazeta OLLE/
