Fituesit e Kupës së Kosovës u mposhtën në Shkup me rezultat 2-0, mirëpo shpresojnë për rikthim në “Fadil Vokrri”, shkruan Gazeta Olle.
Para stërvitjes së fundit, në konferencë për shtyp para gazetarëve dolën kryetrajneri Tahir Batatina, kapiteni i ekipit Bujar Idrizi dhe mesfushori Arbnor Ramadani.
Ramadani theksoi se beson në kualitetin e ekipit dhe në rikthimin e madh.
“Tifozët do të jenë motiv shtesë për ne. Kjo ka rëndësi për ne sepse ata janë mbështetja jonë më e madhe në fushë. Me angazhim do i bëjmë të lumtur ata. Ndeshje me rëndësi, besoj në kualitetin e ekipit dhe besoj në rikthim të madh. Ne do japim maksimumin për rikthimin e rezultatit”, përfundoi ai.
Ndeshja mes Llapit dhe Shkupit në “Fadil Vokrri” fillon në ora 20:00. /Gazeta Olle/
