Anglezët dalin kundër FIFA-s dhe rregullave të Katarit: Do të mbajmë shiritin me ngjyra të ylberit në krah

Kanë mbetur edhe 24 orë deri në fillim të Kampionatit Botëror ‘Katar 2022’.

Është një botëror më ndryshe pasi për herë të parë do të zhvillohet në stinën e dimrit dhe Katari si shtet ka disa rregulla më strikte.

Nuk lejohet që kombëtaret të bartin shiritin e kapitenit me ngjyrat e ylberit dhe kushdo që do ta mbajë atë do të gjobitet nga FIFA.

Megjithatë anglezët pritet të dalin kundër rregullave të FIFA-s dhe atyre të Katarit, pasi janë të vendosur që në krahun e kapitenit Harry Kane do të jetë shiriti me ngjyrat e ylberit ku shkruhet ‘One Love’.

Shefi ekzekutiv i FA, Mark Bullingham, ka thënë për Sky News se ata janë gati të gjobiten për kapitenin e Anglisë, Harry Kane, që mban shiritin “One Love” në Kupën e Botës.

“Ata nuk na kanë dhënë asnjë përgjigje për letrën tonë”, tha Bullingham për Sky News.

“Mendoj se ka mundësi që të gjobitemi dhe nëse gjobitemi, atëherë do ta paguajmë gjobën. Ne mendojmë se është vërtet e rëndësishme të tregojmë vlerat tona. Dhe kjo është ajo që ne do të bëjmë”, deklaroi Bullingham.

Shqipëria synon të marrë fitoren e parë në vitin 2022, në ‘Air Albania’ është nikoqir i Armenisë

Infantino godet Evropën për hipokrizi pas akuzave ndaj Katarit, derisa thotë se Kupa e Botës 2022 do të jetë më e mira në histori