Ancelotti thotë se El Clasico është një ndeshje e veçantë për të gjithë, kritikon Barcelonën për stilin e lojës

Carlo Ancelotti beson se fleksibiliteti është çelësi në futbollin modern dhe, duke i bërë jehonë komenteve të fundit të trajnerit të Napolit, Luciano Spalletti, sugjeroi se në ditët e sotme skuadrat duhet të jenë në gjendje të luajnë në të gjitha mënyrat.

Trajneri i Real Madridit është i kujdesshëm ndaj Barcelonës përpara El Clasicos të kësaj të diele, pavarësisht nga vështirësitë e tyre në Ligën e Kampionëve dhe është i fokusuar në sigurimin e një fitoreje dhe rikthimin e vendit të parë në La Liga Santander.

Ai ka vlerësuar qasjen e Barcelonës ndaj lojës, por e ka bërë të qartë se preferon një ekip më të gjithanshëm dhe një ide që përshtatet me lojtarët që ka në çdo moment.

“Ne po përgatitemi për të në të njëjtën mënyrë si bëjmë çdo lojë tjetër. Në këtë rast, është faktori i shtuar se çfarë loje e veçantë është për të gjithë dhe për fansat. Duhet të keni parasysh gjithashtu cilësinë që kanë të dyja skuadrat, të cilat janë të dyja skuadra të shkëlqyera”, ka thënë fillimisht Ancelotti në konferencë për shtyp.

“Ndeshjet El Clasico, ashtu si ndeshjet derbi, janë të veçanta dhe ju keni presionin e shtuar, aspektin emocional dhe dëshirën për të performuar dhe gjithçka tjetër që rrethon një lojë si kjo”.

“Ata janë të qartë në historinë e tyre dhe vazhdojnë me një stil që i pëlqen tifozëve dhe klubit. Është një ide që u ka dhënë sukses që vazhdojnë ta shijojnë. Klubet e tjera kanë një ide ndryshe. Mendoj se të kesh vetëm një stil nuk është më e përshtatshme sepse ndonjëherë lojtarët ndryshojnë. Ka të bëjë me kërkimin e një ideje në të cilën lojtarët ndihen rehat”.

Ancelotti dha një përditësim mbi gjendjen e Antonio Rudiger, duke përjashtuar gjithashtu Thibaut Courtois.

“Courtois është shumë i mirë, por është e vërtetë që ai është stërvitur shumë pak dhe ai nuk është rehat dhe është i përjashtuar. Do të shohim për ndeshjen e radhës, por ai duhet vetëm të stërvitet”.

“Rudiger është mirë, ai nuk ka asnjë shqetësim, është rehat, një luftëtar dhe i gatshëm me shumë entuziazëm”.

Italiani është plotësisht i vetëdijshëm për kërcënimin që paraqesin katalunasit dhe nuk e pa nevojën për të rishikuar humbjen poshtëruese të sezonit të kaluar ndaj rivalëve të tyre.

“Nuk e kam shikuar videon, e njohim shumë mirë kundërshtarin. Nuk do të ndikojë në ndeshjen e këtij viti, është një tjetër El Clasico, ne kemi gëzimin të luajmë para tifozëve tanë”.

Synimi është të japim një ndeshje të mirë dhe nuk është një ndeshje jete apo vdekjeje. Është e veçantë, por sezoni është shumë i gjatë dhe ne do të donim ta fitonim”.

“Barcelona ka barazuar vetëm një ndeshje në La Liga dhe ata janë në formë të mirë brenda vendit. Ata kanë pasur disa probleme në Ligën e Kampionëve që mund të ndodhin në atë garë, por në La Liga ata kanë qenë spektakolar”, përfundoi trajneri i Real Madridit. /Telegrafi/

Britania e Madhe fiton titullin e kampionit në grupmoshën U20 të mbajtur në Prishtinë

Çifti Vitaku drejtoi ndeshjen interesante mes Holandës dhe Belgjikës