Ademi në Ditën e Çlirimit të Kosovës: Ditë e veçantë, e kemi rastin dhe fatin të shënojmë fitore në ditën e shënuar kombëtare

I pari i FFK-së, Agim Ademi ka uruar për Ditën e Çlirimit të Kosovës.

Ademi e cilëson këtë ditë si të veçantë, në të cilën nderohen të gjithë ata që kontrobuuan për lirinë e vendit tonë.

Ai gjithashtu ka shtuar se edhe te Dardanët ka një motivim të madh për ndeshjen e sotme ndaj Greqisë.

Postimi i plotë nga Agim Ademi: 

Urime Dita e Çlirimit të Kosovës! 🇽🇰

Sot, Kosova feston 23-vjetorin e çlirimit nga okupatori serb. Një ditë kjo e veçantë, në të cilën nderojmë të gjithë ata që kontribuuan në forma të ndryshme për lirinë e vendit tonë.

Rezistenca ndaj pushtuesit dhe lufta për liri ishte e gjatë e përplot sakrifica. Liria erdhi si fryt i atdhedashurisë, motivimit, trimërisë dhe sakrificës, por edhe mbështetje së aleatëve tanë.

Kundërshtari ynë ishte një agresor i fortë dhe lufta ishte e pabarabartë, por ne e fituam atë me vendosmëri, angazhim të gjithanshëm dhe luftë shpirtërore.

Sot, në këtë ditë të shënuar, Kombëtarja jonë luan ndeshjen shumë të rëndësishme kundër Greqisë.

Në këtë sfidë jemi të babarartë me rivalin, por për ta mposhtur duhet angazhim e përkushtim i përbashkët, disiplinë, profesionalizëm dhe luftë deri në atomin e fundit nga djemtë tanë dardanë.

E di që motivimi juaj djema është maksimal, prandaj sot e keni rastin dhe fatin që në këtë ditë të shënuar për kombin të arrini një tjetër fitore për krenarinë e shtetit tonë dhe të jeni heronjtë e ngritjes së Kosovës në vendin e kampionit.

Lavdi heronjve, dëshmorëve dhe të gjithë veprimtarëve të kombit!

Forca Dardanë!

#BashkëPërFutbollin

/Gazeta Olle/ 

Reja dhe Hysaj para miqësores me Estoninë: Nuk kemi vdekur, kemi dy ndeshje ku duhet të tregojmë forcën tonë

Almeria pezullon bisedimet me futbollistin e njohur shqiptar