Abrashi flet si kapiten dhe vlerëson lartë paraqitjen e Shqipërisë

Kapiteni i Kombëtares së Shqipërisë, Amir Abrashi ka folur në analizën pas ndeshjes së barazuar ndaj Uellsit, duke theksuar së duhen analizuar aspektet pozitive dhe sidomos ato negative, për t’u përmirësuar në të ardhmen.

Shqipëria barazoi pa gola 0-0 ndaj Uellsit, por Abrashi ka mbetur deri diku i kënaqur me shumë aspekte të lojës.

Megjithatë, kapiteni i Shqipërisë ka theksuar se ekipi kombëtar ka edhe shumë aspekte për t’u përmirësuar dhe këtë duhet ta bëjnë sa më shpejt.

“Ishte një ndeshje e luftuar, luajtëm mirë në pjesën e parë, pastaj ndjemë lodhjen dhe nuk e mbanim gjatë topin. E humbnim shpejt dhe Uellsi e mbajti më shumë topin. Mundemi dhe duhet të bëjmë më tepër”, ka thënë fillimisht Abrashi pas ndeshjes.

“Në patëm rastin me Manajn. Nuk po e mbanim dot topin. Kemi gjëra të mira në këtë ndeshje dhe gjëra jo të mira, që do t’i analizojmë për t’i përmirësuar në vazhdim”.

“Duhet të luajmë me një takim dhe të shkojmë përpara. Hapësira kemi pasur, por u lodhëm. Nga pjesa e dytë kemi shumë gjëra për të përmirësuar”, përfundoi kapiteni shqiptar. /Gazeta Olle/