Dy gola në 10 minutat e para të derbit Partizani-Tirana, “tërmet” nga tifozët e zjarrtë

Aktualisht po zhvillohet derbi i madh i Shqipërisë, Partizani  – Tirana.

Në ‘Air Albania’ rezultati qëndron 1:1, përcjellë Gazeta Olle.

Batha zhbllokoi rezultatin në minutën e 7-të, kur shënoi për Tiranën.

Por epërsia e tyre zgjati vetë katër minuta, pasi Bardhi barazoi shifrat në 1:1.

Para duelit, në fushën e stadiumit të ri dolën edhe ekipet e urgjencës mjekësore, të ushtrisë dhe rendit.

E gjitha kjo është bërë për t’i falënderuar këto ekipe për kontributin e tyre në nxjerrjen e të mbijetuarve nga rrënojat e tërmetit në Shqipëri në muajin nëntor.

Nga ky tërmet në Shqipëri, kishin mbetur 50 të vdekur, dhe mbi 1000 të tjerë të lënduar.