Kosova U19 bind me lojë të bukur dhe deklason Gjibraltarin

Futbollistet e përfaqësueses U19 të Kosovës e kanë nisur me fitore të thellë raundin e dytë të kualifikimeve për Euro 2024. 

Kosova U19 garon në Grupin 3 të Ligës B, prej nga nuk mund të sigurohet kualifikimi në Evropian.

Fituesi i grupit kalon në Ligën A për kualifikimet e ardhshme.

Futbollistet e reja të Kosovës të martën pasdite luajtën ndaj Gjibraltarit, ndërsa fituan 5:0. Turneu i Grupit B3, ku janë edhe Izraeli e Luksemburgu, po zhvillohet në Gjibraltar.

Rreze Gashi shënoi golin e parë për Kosovën, në minutën e 27-të. Menjëherë në minutën e 35-të për 2:0 realizoi Alba Shabani.

Zëvendësuesja Sahare Berisha shënoi në minutën e 74-t dhe të 84-t, kurse në minutën e 87-të realizoi edhe Ema Kerqota.

Të martën Izraeli fitoi 1:0 ndaj Luksemburgut.

Raddy Ovouka shpallet lojtari i muajit mars te Drita

Kosova fillon përgaditjet në Antalia para ndeshjes me Ukrainën