48 orët e ardhshme vendimtare, skuadra polake ofron 400 mijë euro për Nazmi Gripshin

Pas Eneo Bitrit, polakët e Cracovias janë pranë firmës me një tjetër futbollist shqiptar. SuperSport mëson se klubi polak ka bërë një ofertë prej 400 mijë eurosh për fantazistin e Ballkanit, Nazmi Gripshi.

Palët janë duke negociuar detajet, teksa gjasat janë që marrëveshja të mbyllet me sukses brenda 48 orëve të ardhshme, me Gripshin është gati të bëjë një tjetër hap të rëndësishëm të karrierës.

Fantazisti 26-vjeçar është rritur te Teuta dhe pas tre sezoneve te Skënderbeu, u bë pjesë e Ballkanit në 2020-ën, ku prej thuajse 4 vitesh vijon të jetë një titullar i padiskutueshëm i formacionit të Ilir Dajës.

Kampionët e Kosovës janë bërë një ‘market’ i preferuar për klubet polake, teksa pak ditë më parë ishte Legia e Varshavës që shpenzoi 400 mijë euro për të marrë mesfushorin Qëndrim Zyba.

Nëse transferimi i Gripshit mbyllet me sukses, atëherë mesfushori do të ketë shok skuadre qendërmbrojtësin Eneo Bitri, i cili u transferua te Cracovia pak ditë më parë.

“Kush kesh, e vesh”: Statovci i kundërpërgjigjet Batatinës, ironizon me zëvendësimet e Llapit

Zyrtare: Albin Berisha bën hapin e madh në karrierë, transferohet në Rumani