Sfida interesante në xhiron e 21-të në basketboll, sprova para Kupës së Kosovës

Të enjten, premten dhe të shtunën zhvillohet xhiroja e 21-të në Prince Caffe Superligë, që është e fundit para garave të Final 8 Kupës së Kosovës në basketboll.

Turneu i Kupës zhvillohet në Gjakovë nga 13 deri 17 shkurt.

Sidoqoftë, edhe kjo xhiro do të dhurojë sfida mjaft të bukura. Java e 21-të hapet me përballjen mes rivalëve të vjetër në basketbollin e Kosovës, Pejës dhe Bashkimit. Kampionët e Kosovës ndodhen në vendin e dytë me 15 fitore e pesë humbje, derisa prizrenasit në vendin e gjashtë me shtatë fitore e 13 humbje.

Sfidë mjaft interesante shihet ajo mes Trepçës dhe Golden Eagle Yllit, vendit të parë, përkatësisht të katërt në renditje. Mitrovicasit janë liderë me 18 fitore e dy humbje, kurse therandasit kanë 12 fitore e tetë humbje.

Të premten po ashtu do të përballen Proton Cable Prizreni me Istogun. Prizrenasit janë në vendin e shtatë me pesë fitore e 15 humbje, kurse istogasit të fundit me vetëm një fitore e 19 humbje.

Kjo xhiro përmbyllet pikërisht me sfidën në Gjakovë, ku pritet atmosferë e mirë, derisa ndeshjen Vëllaznimi dhe Sigal Prishtina.

Kuqezinjtë ndodhen në vendin e pestë me nëntë fitore e 11 humbje, derisa bardhekaltrit në vendin e tretë me 13 fitore e shtatë humbje.

Prince Caffe Superliga-Java 21

E enjte

19:00 Peja – Bashkimi

E premte

19:00 Trepça – Golden Eagle Ylli

19:00 Proton Cable Prizreni – Istogu

E shtunë

17:00 Vëllaznimi – Sigal Prishtina /Gazeta Olle/

Bindi me paraqitjet e tij në Serie A, Frosinone merr vendim për Ibrahimoviçin shqiptar

Superliga e Kosovës në hendboll nis gjatë fundjavës