Sekretari i UEFA-s: “Po, Kosova mund të luajë në kualifikime”

FIFA ka konfirmuar sot se në Kongresin e saj vjetor më 3 maj në Budapest të Hungarisë, do të vendoset për antarësimin e Kosovës.

Në rast se pranohet si anëtare e 55-të e UEFA-s, atëherë Kosova do të mund të përfshihet edhe në kualifikimet për Kupën e Botës 2018, që nisin në shtator të këtij viti. Ka qenë greku Theodore Theodoridis, i cili e ka konfirmuar sot një gjë të tillë në një konferencë për media në selinë e UEFA-s.

Theodoridis tha se UEFA do të kërkojë në mbledhjen e Komitetit Ekzekutiv të FIFA-s, më 17 e 18 mars në Cyrih, për të përgatitur dokumentet për ta pranuar Kosovën si një anëtare të organizatës botërore. FIFA mban Kongresin e saj vjetor më 13 maj në Mexico City.

Po, ata (Kosova) mund të luajnë në kualifikimet e Kupës së Botës 2018. Por, janë dy hapa që duhet kaluar”, ka theksuar Theodoridis, shkruan ‘tsn.ca’ duke aluduar në anëtarësimin e Kosovës në UEFA e FIFA në Kongreset e muajit maj.

Në fakt, Theodoridis sot u emërua përkohësisht sekretar i përgjithshëm i UEFA-s, në vend të Gianni Infantinos, i cili ditë më parë u zgjodh president i UEFA-s. Njëherësh Theodoridis do ta luajë edhe rolin e kreut të UEFA-s, duke pasur parasysh se Platini është pezulluar nga posti i presidentit dhe po pret një verdikt të Gjykatës së Arbitrazhit Sportiv.

Theodoridis kishte vizituar vitin e kaluar Kosovën, ku ishte pritur nga Fadil Vokrri dhe kryeministri i vendit, Isa Mustafa.

teksi