Armend Buzuku nokautoi kundërshtarin dhe mbylli vitin me rekord të qind për qind

Armend Buzuku ka dhënë një shfaqje mbresëlënëse në eventin e boksit “The Show Must Go On IV” që u mbajt në Berlin, duke e hapur mbrëmjen me një performancë dominuese.

Boksieri me origjinë nga Kosova nuk la asnjë hapësirë për dyshime dhe fitoi në mënyrë bindëse ndaj kundërshtarit të tij, Yannic Linaniye. Buzuku dëshmoi forcën dhe talentin e tij me një nokaut të shpejtë që në raundin e parë, duke i dhënë fund përballjes para se të fillonte mirë.

25-vjeçari, i cili ka bërë një fillim të fuqishëm në karrierën e tij në boksin profesionist, raportohet se tashmë ka sytë drejt një revanshi ndaj Adam Kolarik. Kolarik është kundërshtari i vetëm që ka arritur të mposhtë Buzukun deri më sot në skenën profesioniste.

Buzuku, i cili u rrit në Gjermani, debutimin e tij në ringun e profesionistëve e bëri në vitin 2021. Në atë kohë të shkurtër, ai ka grumbulluar shtatë meçe, duke regjistruar gjashtë fitore dhe vetëm një humbje.

Synimet e Buzukut për të arritur më lartë në botën e boksit janë të qarta dhe të pashuara. Ky vit ka qenë i jashtëzakonshëm për të, me tri fitore të rëndësishme në tri meçet e zhvilluara, dhe tani ai shikon përpara për të vazhduar rrugën drejt majave të sportit të tij. /Gazeta Olle/

Federata zvicerane ia beson Yakinit rrugëtimin në Euro 2024

Hakerët shqiptarë i japin leksion Federatës Botërore të Tenisit pas provokimeve nga serbët