Xhudistët tanë sigurojnë medaljen e parë në Grand Slamin e Parisit

Xhudistët tanë sigurojnë medaljen e parë në Grand Slamin e Parisit.

Akil Gjakova ka arritur në finalen e kësaj gare prestigjioze që po zhvillohet në kryeqytetin francez, Paris.

Gjakova mposhti në gjysmëfinale Tsend Ochir të Mongolisë, në kategorinë -73 kg.

Gjakova triumfoi falë tri vërejtjeve që mori kundërshtari, dhe me këtë triumf u kualifikua në finale, ku do të garojë me Lasha Shavdatuashvilli.

Akili për të arritur deri në finale, iu deshtë të fitojë katër luftëra.

Për medalje, por të bronztën, do të luftojë edhe Distria Krasniqi në kategorinë -52 kg. Ajo deri këtu erdhi përmes repesazhit.

Krasniqi për medaljen e bronztë do të ketë punë me Natsumi Tsunodan.

Ndërkohë, e pa fat u tregua Nora Gjakova që u ndalë në rrethin e dytë. Gjakova pësoi humbje kundër Jisu Kim. /kok/

Akil Gjakova në finale, Distria për të bronztën, Nora eliminohet në Grand Slam Paris