Trajneri i zë futbollistët me prostituta në dhomat e hotelit, reagimi i tij është epik!

Një skandal seksual ka shpërthyer pak ditë para fillimit të Gold Cup, turneut të përfaqësueseve të Amerikës Qendrore dhe të Veriut. Trajneri i Nikaraguas ka përjashtuar tre futbollistë të kësaj përfaqësueseje pasi i ka gjetur në dhomë me prostituta, duke i kapur në flagrancë me kuptimin e plotë të fjalës.

Henri Duarte, trajneri i përfaqësueses, nuk ka ngurruar të tregojë me detaje atë që ka ndodhur në grumbullim, dhe ka dhënë shpjegimet për ngjarjen e çuditshme.

“Nuk e prisja nga ata të tre. Ka disa lojtarë për të cilët krijon një lloj imazhi dhe nga ata nuk e mendoja se do të ndodhte. Ndjehem i mashtruar. Në orën 1 të mëngjesit më thirrën ata të sigurisë së hotelit dhe më treguan video të lojtarëve që po hynin në dhoma të ndryshme me prostituta. I dallova që ishin me fanellat e ekipit, por ata të sigurisë më treguan se ishin Karlos Shavarría, Karlos Montenegro dhe Marlon Lopez”, tregoi ai, shkruan Vipsportal.

“I pyeta menjëherë se në cilën orë kishte ndodhur ngjarja dhe më thanë se ishin ende nëpër këto dhoma. U afruam te dera e njërës nga dhomat dhe dëgjuam zhurma. Trokitëm në derë dhe doli një nga vajzat që na tha që nuk ishte askush brenda, po bënte festë me shoqet. Shkuam te administrata e hotelit dhe morëm lejen për të hyrë në dhoma.

Bashkë me punonjës të sigurisë shkuam në një dhomë vetëm dy dyer larg dhomës time, ku ishin brenda dy futbollistë. U thashë thjesht që të merrnin gjërat e tyre e të largoheshin pasi nuk ishin më pjesë e ekipit. Shkova pastaj te dhoma tjetër e doli një vajzë që dukej sikur kishte dalë nga dushi në 2 të mëngjesit dhe aty ishte Marlon Lopez. I thashë “Rri i qetë, vazhdo festën, kur të mbarosh merr gjërat e ik se nuk je më pjesë e ekipit”. Deshën të më jepnin shpjegime por nuk kishin çfarë të shpjegonin, faktet ishin të qarta”, tregoi trajneri para gazetarëve.