Tovërlani: Prishtinën në këtë gjendje e ka sjell Bylbyl Sokoli

Prishtina po kalon nëpër një krizë të thellë. Skuadra më e madhe në vend kur kanë kaluar nëntë xhiro të elitës së futbollit kosovar, nuk ka arritur që të tubojë më shumë se nëntë pikë, për t’u ‘stacionuar’ në vendin e parafundit (11).

Ish-trajneri i kësaj skuadre, Afrim Tovlërani, zbulon se pse Prishtina ndodhet në këtë gjendje. “Më vjen keq që po e shoh Prishtinën në këtë gjendje. Vite më parë kur kanë ardhur ekipet në Prishtinë, janë dorëzuar në Veternik, apo duke hyrë në qytet. Prishtina e ka humbur besimin, karakterin e skuadrës fituese. Ekipet po vijnë dhe po e shtrojnë lojën midis Prishtine. Krejt kjo është pasojë e vitit të kaluar, kur Prishtina shpenzoi shumë duke blerë futbollistë me shuma të mëdha dhe duke nënshkruar kontratë 6-mujore. Ish-trajneri Bylbyl Sokoli e ka sjell ekipin në këtë gjendje dhe ata që e kanë përkrahur strategjinë e tij. Turp të largohen prishtinasit dhe të sillen lojtarë me kualitete të dobëta. Ja disa emra: Endrit Krasniqi, Besnik Krasniqi apo ka mundur të rikthehet Behar Maliqi. Mendoj se më së paku faj në rezultatet e Prishtinës, ka trajneri Ramiz Krasniqi. Kryesia duhet ta gjejë një zgjidhje”, ka thënë Afrim Tovërlani për Gazetaolle.com.

Kujtojmë se Afrim Tovërlani i fituar me Prishtinën të gjithë titujt e mundshëm në futbollin e Kosovës.