Të hënën dalin në shitje biletat për ndeshjen e tetorit

Ndeshjen e ardhshme, Kombëtarja e Kosovës në futboll e luan kundër Gjibraltarit më 10 tetor.

Ky duel është i karakterit miqësor, ngase “dardanët” do të jenë të lirë nga ndeshjet kualifikuese në këtë datë.

Presidenti i Federatës së Futbollit të Kosovës, Agim Ademi ka thënë se biletat do të dalin në shitje të hënën.

Ky ballafaqim do të zhvillohet në stadiumin “Fadil Vokrri” në Prishtinë, më 10 tetor nga ora 20:45.