Skandali më i madh në “Rio 2016” vjen nga Shqipëria (FOTO)

Në prag të nisjes së Lojërave Olimpike, Komiteti Olimpik Kombëtar Shqiptar njoftoi se notari kuqezi Sidni Hoxha, në bazë të rezultateve dhe kohëve të regjistruara, do të konkurronte në dy gara – 100 metra stil i lirë dhe 50 metra stil i lirë.

Më datë 9 Gusht ish programuar gara e 100 metrave, por Hoxha nuk u pa askund, dhe për këtë trajneri personal i notarit shqiptar, Shpëtim Hoxha, i cili njëkohësisht është dhe Presidenti i shoqatës “Tirana Delfina Sport” ku aktualisht bën pjesë edhe 24-vjeçari akuzon përfaqësuesit e Komitetit Olimpik për papërgjegjshmëri dhe neglizhencë.

Kjo pasi që ata nuk e kanë regjistruar emrin e sportistit për këtë garë në mbledhjen teknik që i parapriu, pasi në mënyrë të pashpjegueshme nuk kanë marrë pjesë në këtë mbledhje.

“Sidni nuk ka marrë pjesë jo për fajin e tij pasi në mbledhjen e fundit që është komisioni Teknik që është mbledhja deçizive ku vendosen edhe garat e tjera, Komiteti Olimpik Shqiptar nuk ka qenë pjesëmarrës në këtë mbledhje dhe për këtë arsye në mënyrë automatike Sidni është përjashtuar nga gara 100 metra. Mos pjesëmarrja e tyre në një komision teknik tregon papërgjegjshmëri por dhe pa përvojë. Përbën atë që quhet neglizhencë absolute. Sigurisht që Federata e Notit mban përgjegjësi për dërgimin e një trajneri të papërgjegjshëm i cili nuk kujdeset aspak për cështjet e rezultateve dhe që gjithçka të shkojë mbarë” tha trajneri për Oranews.