Shqipëria fton Frederik Veselin për ndeshjen kundër Kosovës

Ndeshja Kosovë – Shqipëri po afrohet çdo ditë e më shumë dhe kështu edhe publikut iu intereson lojtarët që do të jenë të grumbulluar nga të dyja taborët.

Përfaqësuesja e Kosovës ka nisur t’i mbledh ngadalë por sigurt lojtarët më të mirë të saj, ku së fundmi kanë pranuar ftesën me kënaqësi dhe krenari mbrojtësi më i mirë shqiptar në elitën e futbollit zviceran Alban Pnishi dhe njëri nga mesfushorët më të mirë në këtë ligë, Hekuran Kryeziu.

Shqipëria me trajnerin e saj Gianni De Biasi iu kanë kundërpërgjigjur Kosovës, duke i dërguar ftesë zyrtare mbrojtësit të Luganos, Federik Veseli.

Burime të Telegrafit kanë konfirmuar se Veseli ka pranuar ftesën që të luaj me Shqipërinë, pikërisht ndaj Kosovës që e ka ftuar që nga dita e parë djaloshin 22-vjeçar që ka pas rënie drastike në karrierën e tij.

Fillimisht pjesë e grupmoshave të dy skuadrave Manchester City e Manchester United, por tani asgjë mirë për të, duke kaluar nëpër ligat e ulëta të Anglisë me skuadrat si Bury e Port Vale.

Veseli ishte kontaktuar disa herë nga përzgjedhësi i Kosovës Albert Bunjaku, duke i premtuar këtij të fundit se do ta pranonte ftesën, mirëpo një gjë e tillë asnjëherë nuk ndodhi, transmeton Telegrafi.

Pas refuzimit të Kosovës, Federiku që aktivizohet tek skuadra e Luganos do të luaj pikërisht ndaj vendlindjes së tij por me fanellën e Kombëtares shqiptare.

Sigurisht që deri tek ky vendim ka ndikuar edhe kualifikimi i Shqipërisë për në Kampionatin Evropian ‘Francë 2016’, por djaloshi me njëfarë mënyre ‘tradhtoi’, Kosovën duke i premtuar katër herë se do të grumbullohet dhe në momentet e fundit duke mos u përgjigjur në telefon.

E mira e kësaj ‘tradhtie’, është që Veseli do të luaj për me fanellën e Kombëtares shqiptare dhe jo të ndonjë përfaqësuese tjetër.

veseliiiiii

 

Foto: Ballina e gazetës Arena, kur Veseli kishte marrë ftesën e Albert Bunjakut.